Гыйлмутдинова а. Кият ччк иле


Чәчәк иле.
(Әкият)
Борын – борын заманда яшәгән ди бер нәни генә кыз. Ул бик чәчәкләр яраткан ди. Нинди генә чәчәк күрсә дә, исе китеп карап тора торган булган. Бервакыт кыз аланда ромашкаларга карап сокланып йөри икән. Аның янына бер бабай килеп чыккан.
- Кызым, син монда нигә бер үзең йөрисең? – дип сораган ул.
Кыз исә:
- Чәчәкләр карарга килдем. Кара, бабай, алар ничек матурлар. Мин аларны яратам, - дигән.
- Чәчәкләр яраткан бала, нечкә күңелле була. Син, кызым, менә бу орлыкларны да ал әле, - дип кызга бер кечкенә төенчек тоттырган.
Кыз аңа рәхмәт әйткән һәм бабайны үзе яшәгән шәһәргә чакырган.
- Мин килермен, кызым, - син бу орлыкларны шәһәрегездәге башка кызларга да өләш. Алар да анны утыртсыннар, - дигән дә бабай кинәт юкка да чыккан.
Кыз исә өенә ашыккан. Кайткач, төенчекне ачса, анда бик күп орлыклар күргән.
Алар төрле һәм матур да икән. Кыз аларны иптәш кызларына, шәһәрдәшләренә өләшкән. Аларны чәчәргә кушкан. Үзе дә тырыша – тырыша чәчәк түтәлләре ясаган да орлыкларны чәчкән. Ә иртәгәсен түтәлләрдә кечкенә үсентеләр күренгән. Алар тиздән чәчәккә бөреләнеп чәчәк тә атканнар. Мондый чәчәкләрне әле берәүнең дә күргәне булмаган.
Башка кызларның да чәчәкләре күз явын алырлык булып үскән. Шәһәр халкы бу чәчәкләрнең орлыкларын сорап – сорап алган. Өй тирәләре, урманнар чәчәккә күмелгән. Шәһәр бик – бик матур чәчәк иленә әверелгән. Бу шәһәрне халык Алабуга дип атаган.
Алабуга шәһәре, 8 нче мәктәп
Гыйльметдинова Азалия, 3А сыйныфы
Укытучы : Нотфуллина Сәлимә Хәмит кызы

Приложенные файлы


Добавить комментарий