Мин туган телемд сойлшм 0


“Мин туган телемдә сөйләшәм” исемле
иҗади эшләр бәйгесендә катнашу өчен гариза
Укучы Мәктәп Укытучы Эшнең темасы Укучының адресы,моб.телефоны Укытучының(укучының)шәхси электрон адресы
Шәрәфеева Гүзәл Булат кызы Кукмара районы
Починок Кучук урта мәктәбе Сафина
Минзилә
Рәҗәп кызы Яңа заман башлангыч сыйныф укытучысы:минем күзаллавым 422131 Кукмара районы Кенәбаш авылы
89274062571 sharafeeva94@mail.ru(укучы)
minzilya.safina@mail.ru(укытучы)

Яңа заман башлангыч сыйныф укытучысы:
минем күзаллавым

Шәрәфеева Гүзәл Булат кызы
Кукмара районы Починок Кучук
урта мәктәбе,11нче сыйныф
Җитәкче:Сафина Минзилә Рәҗәп кызы

Укытучы !
Бу яшь буын юллар юнәлешен
Синнән ала кая барырга?!
Алар гомере,заман килере өчен
Җаваплы син тормыш алдында.
(Клара Булатова)
Укытучы иң гүзәл һәм күркәм һөнәрләрнең берсе.Укытучы.Кем генә тирән ихтирам белән телгә алмый икән бу исемне.Мәктәптә,уку йортында белем бирүче,тормышта балаларга үз юлларын табарга булышучы,үзенең яшәү тәҗрибәсе белән шәхес тәрбияләүдә тирән эз калдыручы олуг зат ул.
Мин үзем 11нче сыйныфта укыйм.Укытучы,беренче чиратта,ул-бала күңеленә яхшылык ,рәхимлелек,сафлык орлыкларын салучы,дип уйлыйм мин.Башлангыч сыйныф укытучысының төп сыйфаты-ягымлылык.Иң беренче тапкыр мәктәпкә беренче сыйныфка укырга килүем бүгенгедәй хәтеремдә.Беренче укытучым (Гүзәл апа) мине мәктәп бусагасына ук чыгып каршы алды һәм сыйныф бүлмәсенә җитәкләп алып кереп китте.Бу минутта мин бик каушаган һәм дулкынланган идем.Ә Гүзәл апа үзенең көләч йөзе,ягымлы күз карашы һәм тыныч тавышы белән барыбызны үзенә каратты,күңелләребезгә ачкыч тапты.Менә шулай зур сабырлык белән безне белем диңгезенә алып кереп китте.Аның һәрбер дәресе мавыктыргыч,кызык иде.Ул безнең арабызда берәр нинди аңлашылмаучанлык килеп чыгуын,авырып китүебезне яки кәефсез чагыбызны бик тиз сизеп ала иде.Һәрвакыт ихтибар белән тыңлый һәм ярдәм итә,юата.Мин үземнең башлангыч сыйныф укытучыма :”Апа,минем сезнең кебек укытучы буласым килә!”-дип әйтә идем.
1
Яңа заман башлангыч сыйныф укытучысы түбәндәге сыйфатларга ия булыр дип уйлыйм:
1)сабыр холыклы,беркайчан да кызып китми торган,үзен кулда тотып дәрәҗәсен саклый белү;
2)балаларның һәрбер соравына тиз генә төгәл җавап бирү һәм дәрес материалын һәркем аңлашырлык итеп аңлата белү;
3)хәбәрдар,оештыру сәләтенә ия булу,белемне йөрәк аша бирү;
4)укучыларның мөстәкыйльлеген,иҗадилыгын үстерүгә омтылу;
5)заман техникасын ,мәгълүмати технологияне җитди һәм тиз арада куллана белү;
6)укучылырга белем өйрәтүдән тыш,сәламәтлеге турында кайгырту;
7) укучыларда булган сәләт-мөмкинлекләрне вакытында ачыклап,үстерә белү;
8)укучыларны тормышка әзерләү.
Минем күзаллавым буенча яңа заман укытучысының таланты,аң-фикерләү,мәгълүматлылык дәрәҗәсе укучылардан югары булыр.Шулай ук укытучының әхлакый сыйфатлары да ата-аналарга да,балаларга да тәрбиялелек өлгесе булыр дип уйлыйм.
Син белергә тиеш,укытучы,
Ни сорыйлар-шуны белергә.
Укытучы булу -бу шундый эш-
Белгәнеңне кирәк бирергә.
(Клара Булатова)
2

Приложенные файлы


Добавить комментарий