Урок лексика 5

Цельсь:повторяндамс иттнень маштомаснон «Валлувкс» разделть коряс, ваномс, кода шарьхкодьсазь синонипнень, антонипнень, омонипнень.



Урокть молемац.

1.Оргмоментсь.
Тячи,шабат,минь пялонк састь инжихть, а сяс мархтонт етафттама аф эрь шинь урок, а урок-путешествия.Минь карматама якама «Лексика» странать ошензон ланга. Ошста ошс минь кармайхть станцияньке, эздонза аф туфтама сънярс, мъзярс аф отвечатама кизефксненди. Лиякс мярьгомс, эрь станциясь-тя кизефкс «Лексика» разделть коряс.
Штоба путешествияньке улель интереснай, мяльс туви,минь сяфтяма мархтонк аф ярхцамбяль, аф щапт-каряпт,а сявсаськ содамошиньконь. Кинь сяда оцюфт содамошинза, сянди сяда цебярькс, теждякс, интереснайкс маряви кись, и ся сяда курок пачкоди мекольце станцияти.
А тяни цебярняста озседа, аноклада, туме, паровозоньке лии инголи.



Васенце станциясь.
Лексикать шарьхкодемац.
1)Мезти мярьгихть лексика?
2)Мезе тонафты лексикологиясь?
3)Самостоятельнай и служебнай корхтама пяльксне.

-А тяса аф ламос лоткатама и ванцаськ, кодама корхтама пяльксс сувсихть валхне. Иттненди (кафттненди) максовихть карточкат, мусазь главнай и второстепеннай валрисьмонь пялькснень,мезьса синь азовихть.


Иттне сермадсазь числать и темать тетрадезост и работайхть доскаста.
1)Од тядясь макссь стирняти равжа пракстаня.

2)А илять Маруня тушендсь ялганзон мархта налхкома.

-Азость, коста сявфт тя строчкатне?

Омбоце станциясь.

Валть смузец.
1)Мес ломаттне корхтамста шарьхкодихть фкя-фкянь?
2)Валть фкя и лама смузенза.
3)Валть виде и аф виде смузенза.
4)Метафорась.


Колмоце станциясь.


Синонипне.

Тя станциясь тожа пяк мазы.Лоткатама тяза и кулхцонттама ефкс колганза.
Сире ломаттне азондсазь, што светть лангса эрясть тов-сей якай валхт.Синь тихтедькшнесть то тяса, то тоса.Азондсазь,што синь
Фкя кяльса и корхнесть.Лама фкаксшиснаульсть ня валхнень,а павазсна ашель.Ня валхне якасть ськамост масторга,а кудсна ашель.И нинге фкя аф цебярь ульсь:синь кодавок исть васетькшне фкя-фкянь мархта.
Но весть модать лангса тусь куля,што «Лексика» ошса тихтедсь волшебник, кона сембе валхнень тисыне павазукс, муй тейст ялгат.Валхне кенярдсть и ушедсть пуромома тя ошти.Сембе ерасть мумс эсиейст ялгат.Кие еткстонк эряй ялгафтома? Стака ялгафтома эрямась?
Вов и синь еразь вешемс эсь ялгаснон.Тя волшебниксь ульсь пяк еню.Сон пуроптозень финц валхнень фкя отрядс и макссь тейст лем «Синонипт».Но аф эрь валть нолдазе тя ошти.А конатнень?Кона валхненди мярьгихть синонипт?(Кепотькст).

-Мезенди эрявихть синонипне корхтамстонк и сермадомстонк?
-Кодама корхтамань пялькссь мокшень кяльса инь козясь синонимса?
Кепотькст.

-Эрька лоткатама тя станцияти.(Максф аф оцю текст компьютерса, иттне сермадсазь и мусазь синонипнень).
Кодама цебярь,кодама пара перьфпяльсь тунда!
Сембось живондай,эреклай.Эрь лисьфкясь,касыкскясь сими,копоряй виень максы ведняда,штоба касомс,венемомс шиняти.Начка,летьке модась макси вий,эрьгя марнек живойти.


Поладсаськ ефксоньконь.Нилеце станциясь.

Антонипне.
Омонц валнятнень сон пуроптозень тага марс и макссь тейст лем «Антонипт».Но тяза тага аф сембонди кись ульсь панчф.Мяляфтсаськ,кона валхненди мярьгихть антонипт?

· Кепотькст.
Выборочнай диктант.Сермадомс аньцек антонипнень.


1)Кинь кувака,
Кинь нюрьхкяня.
Кинь пяк теждя,
Кинь пяк стака.
Кажнайть сонцень
И вельф питни.
Кирьфнесазь сонь
Етни шитне.

2)И калгода,и ляпе,
И ламбама,и сяпи.
Аф няемс и аф кундамс,
Азови сельгонь прамс.

3)Касы сон аф кизонда,
Касы аньцек тялонда,
Лата алу-прянц лангс фалу.
4)Тялонда ороц уле,а кизонда рыжай.
Иттне мусазь антонипнень и азсазь отгадкатнень.


Лия валхнень волшебниксь пуроптозень тага марс и макссь тейст лем «Омонипт».

Ветеце станциясь «Омонипне».
-Кона валхненди мярьгихть омонипт.Кепотькссь.

-А тяни налхтама «Кие сяда курок?»
Компьютерса максфт столбикс валхт.Арьседа мархтост тяфтама валрисьмот,штоба синь улельхть омонимкс.



Сеттне
Нал
Ков
Ши
Путомс
Марямс

Тага волшебниксь пуроптсь валхт и макссь тейст лем «Омоформат»


Котоце станциясь «Омоформатне»

-Кона валхненди мярьгихть омоформат?
Кепотькст.


Максовихть компьютерса валхт.Арьсемс мархтост валрисьмот тяфтамот, штоба максф валхне улельхть омоформакс.


Ялга
Тов
Кулят
Матф
Шары.
Тяфта волшебниксь мусь валхненди ялгат, и тяни синь пяк павазуфт.Въдь ялга мархта эрямась сяда пара.Виде?


Сисемце станциясьФразеологизматне».


-Кодама валхненди мярьгихть фразеологизмат?Кепотькст.

Кулхцондсаськ аф оцю сценканять «Вазнянь нарама ковста».Мусть фразеологизматнень,сермадость тетрадезонт,азость смузьснон.


Иннать щавац пандомда шабрати макссь сяда цалковай.Тона надияфтсь шумонц пандомс Ванды.


Мироновна,афолеть макса тейне пандомда сядошка цалковайня?
-Месендят мархтост?Пенсияце аф учеви?
-Да мон тейть мърдафтсайне Ванды.
-Содаса,содаса,аф васенцеда сяват.Фалу корхтат Ванды,а паннесайть вазонь нарама ковста.
Мъзярда алясь тусь,Инна кизефтезе:
-Щавай,а мъзярда ули вазонь нарама ковсь?Ся ковста миньге вазняньконь нарасазь?


-А кодама тага фразеологизмат содатада?


Компьютерса максфт фразеологизмат, эрявихть аделамс синь.

-Ласькомс пильгонь-прянь
-Бъта ведьс
-Варжакстомс туркс
-Таргамс
-Келукс
-Синнемс
-Пейхть
-Пильге лангста
Панжемс
-Покодемс нолдаф
Азость смузьснон.


Обобщениясь.
-Мезти мярьгихть а) валлувкс?
б) синонипт?
в) омонипт?
г) омоформат?
д)фразеологизмат?

Иттненди путовихть оценкат.

Кудонь тев: сермадомс сочинения «Тундась», нолямок тевс синонипнень, омонипнень, фкя и лама смузьса валхнень.




















МБОУ «Тарханско-Потьминская средняя общеобразовательная школа»





Урок-путешествия «Валлувкссь»
(компьютернай урок)












Ётафтозе
Кирдяпина Е.С.









15

Приложенные файлы


Добавить комментарий