Ветицяс

Муниципальное бюджетное общеобразовательное учреждение
«Лобаскинская средняя школа»






ПОКШЧИ



«Эрзянь келень чи»













Анокстызе ды ютавтызе:
эрзянь келень ды тиринь литературань тонавтыцясь
Антипова О. И.












Ветицясь: Шумбратадо, вечкевикс ялгат! Течи минь тешкстатано Эрзянь келень чи. Мекс течи, чадыковонь 16 – це чистэ? Те чистэнть чачсь ине эрзянь учёноесь Анатолий Павлович Рябов. Те ломаненть а онкставишка путовксозо минек тиринь эрзянь келенть вельмевтемантень, кастомантень, сюпалгавтомантень. Течи покшчись юбилейной – комсецеде тешксты минек раськесь Эрзянь келень чи.

Эрзянь кель, тон валскень зоря,
Норовжорчонь гайть.
Тон певтеме мазый моро,
Кельме ведень тансть.

Моро. «Эрзянь кель» (Валтнэ ды музыкась С. Люлякинань)

Мекс истя пек питней тиринь келесь?
Сон питней, мекс пингеде пингес эйсэнзэ кортасть минек покштянок – сыряванок, Сынь пачтизь келенть вельде неень шкас кезэрень пингень моротнень, ёвкстнэнь, койтнень – кирдатнень. Масторонть лангсо ламо ломанть. Сынь весе явовить эсест раськева. Эрьва раськенть – эсензэ тиринь келезэ. Минь тынк марто эрзят, секс тиринь келенекак – эрзянь.

Эрзянь кель. (Гущина Юлия)

Эрить масторсонок ламо раськеть.
Эрить ладсо, аздыть нужачи.
Ламо кельсэ минек модась гайги,
Эрьвась эйстэст – цецянь мазычи.

Сехте питней монень эрзянь келесь,
Сон пек мазый, сюпав ды келей.
Кортамс эйсэнзэ монь ули мелем,
Сон прок валдо теште, чудилей.

Чуди сон потмовам, канды кеняркс
Седеентень. Ойментень. Маряви
Сон монень ламбамо, тантей медекс,
Конань танстезэяк а ёвтави.

Эрзянь кель! Тон прок валдо толбандя
Монь чопода эрямонть валдомтат.
Кеман мон,седейсэм тон а мадят,
Карми свал паломо лембе толот.



(Абросимова Юля)

Мон вечкса ёнксонть эрзянсенть,
Весе оймесэм вечкса,
Мастораванть – раськень лавсенть
Кутмордаса, эждяса.
Тензэ мон серьгедян моро,
Ёвтан оймень потмо вал.
Арсян тензэ ансяк вейке:
Эрязо, улезэ свал.

Моро. « Налксек, гармония»

Ветицясь:
Тиринь келесь ашти ломантненень покш сюпавчикс.

« Бабинетне эрзякс кортыть».( 6 – це класс)

Косто марямс
Эрзянь келенть?
Эрзянь велев
Ардодо!
Алопева.
Верепева
Ютадо,
Кунсолодо

Бабинетне
Эрзякс кортыть
Вальма ало
Озадо,
Вейкесь омбоценть
Кавани
Прякадо
Ды позадо.

Тона суски,
Поза коршты,
Памшты – теи
Ды кевксти:
- Кода панить?
Мезе каить?
Мейсэ
Таньшкавтыть – петить?

Исяк чокшне
Чапакс путынь,
Валскес
Парсте сыргазо
Каинь
Комоляведь, оргат,
Човордынь
Лаужасо.

Тапинь алнэть,
Каинь ойне.
Мерькинь
Ашо модамарть,-
Теинь весе
Авань койнекс,
Тензэ Паз
Максозо чансть

Бабинетне
Эрзякс кортыть
Вальма ало
Озадо,
Кортыть
Мазый эрзянь кельсэ
Састыне
Кунсолодо

(Саша Кувакин)

Моро « Ой, Ванине, Ванине» (Эрз. нар. моро)

Икелев лисить кавто эйкакшт.

1 – цесь. Минек покштянок умонь шкасто (Саша Кувакин)
Пачтизь миненек сырнень келенть.
Сон вирень лисьмакс жойни састо,
Эжди, кецявты эрзянь меленть.

2 – цесь. Тонадынек минь эсь кельсэ ( Валя Емельянова )
Васень валонь ёвтнеме.
Эйкакш шкане паро мельсэ
Тетяй, авай мереме.



Ветицясь: А стяко кортыть:

А онкстави сень питнезэ,
Кона вечки чачома келензэ.
Тиринь келесь седей эжди,
Вансты зыяндо ды кежде.


Моро. « Кода лёнось видеви» (Эрз. нар. моро)

Вана кода тиринь кельдензэ сёрмады Числав Журавлёв:

Эрзянь кель, тонь ине оймень виенть
Авань моротнестэ саинь мон.
Седе гайтев эзинь марсе лия
Ды а содан седе чевте, ён.
Эрзянь кель, мон кенярдан тонь кисэ.
Ламо масторт содыть тондеть ней.
Эрзянь кель, тон – мазый цецянь кизэ.
Эрзянь кель, тон – Равов прыця лей.

Виде. Тетянь – авань келесь, тиринь кудосо марязь валось кадови мельс – превс пингезэть ды а стувтови зярдояк.

Гайги эрзянь моро веленть велькссэ, ( Абросимова Юля )
Конань пева таргавсь виде ян.
Вана таго эряза эскелькссэ
Моронть каршо те янганть молян

Моро. «Кизэнь пиземе» (Валтнэ ды муз. А. Панишевань)

А ней налксетяно «Прядынк стихенть пензэ».


Васят молить ялго,
Сынь умоконь паро ( ялгат ).

Овтось сайсь медьбарь ды тундос
Совась удомо сон ( ундос ).

Пидемстэ ямонтень свал
Минь почолетяно ( сал ).
Авам яла кеци,
Зярдо казян ( цеця ).

Саразонок яла свал
Канды пизэс ашо ( ал ).

Тейтерькинесь Гульчатай
Вечки симемеде ( чай ).

А тейтерькась Валя
Вечки мазый ( палят ).

Педясь аванстэнь Васине
Веши таго ( ламбамине ).

Эйкакшкетнень эйстэ ламот
Вельть вечкить пангонь ( кочкамо ).

Марюша лездыцясь кеме,
Сон вечки палянь ( муськеме ).

Тов якить алашат шлямо,
Эйкакшт якить ( экшелямо ).

Эйкакшкетне, теке киреть,
Совсить кизна эмеж ( пирев ).

Колят – Валят кирдевтеметь,
Лиссть сцена лангов ( киштеме ).

Нармушкатне вечкить пизэть,
А эйкакштне – маней ( кизэть ).

Марюша ярсы пурькадо,
Ванюша – пиже ( чурькадо )

Конкурс. Кие ёвтасынзе эрзякс таргонь читнень лемест?
Ковтнень лемест?
Эрзякс ёвтасынзе числительнойтнень – 2013 иень чадыковонь 16 –це чись – Эрзянь келень покшчи.

Ветицясь: Аволь весе эрзятне бажить содамс ды ванстомс тиринь келест. Конань – конань рузокс теевемс покш мелест. Ды тейневить пейдема таркакс. Вансынек тень налксемасо.

« Каваникивай».

Мон пек вечкса эрзянь келем, (Валя Емельянова)
Эрзянь тейтерне монь лемем
А вечкан мон истят ломанть,
Конат стувтнить эсест келест.

Моро. « Умарина ды Марина» (Валтнэ Н. Ишуткинэнь,
муз. Н. Моисеевень)

Налксема – 7 класс

Тонавтницятнень валморост. Вал тиринь кельде

Ветицясь: Тиринь мастор Эрзянь кель. Сонзэ эйсэ кортасть Степан Эрьзя – ине скульпторось; Макар Евьсевьев, кона сёрмадсь ламо ловнома, тонавтома книгат. Велева яказь, пурнась ламо эрзянь морот, ёвкст, ёвтнемат. А зяро сёрмадейть, поэт, композиторт сёрмадсть эсь тиринь кельсэ произведеният! Ды нейгак ламо ломанть важодить ды путыть ламо вий минек республикасо культурань кепедемантень, келень сюпалгавтомантень ды кемекстамонтень.

Моро. « Сюк, сюк, Ковава» ( Н. Маркова)

Лисить кавто эйкакшт.


1 – цесь. Зярос гайги эрзянь валось, ( Кувакин Саша )
Семс монгак эрян,
Ялгатненень, шабратненень
« Шумбрачи» мерян.
Чачи келем кулындеряй,
Мерть, монгак кулан.
Сонстемензэ мон а эрян:
Мезекс маштован?...

2 – цесь. Эрзянь келесь сех вечкевикс, (Емельянова Валя)
Сехте мазый ды питней.
Тон содак эсь тиринь келеть
Ды сонензэ путт седей.


1 – цесь. Сон тонавты тонь эрямо, ( Кувакин Саша )
Тонавтнеме ды морамо,
Сон тонеть, прок тиринь ава,
Касты эйсэть седейшкава

2 – цесь. Эряк сюпавсто, монь эрзянь келем, (Емельянова Валя)
Виев ульть, превей ломанть кастак!
Тон монь седейсэ эрят, вечкевикс,
Иля ёма масторлангсто зярдояк!

Ветицясь:
Эрзянь эйкакш корты тиринь кельсэ,
Прок нармунне тундова моры.
Баягинекс гайги вайгелезэ,
Теке горниповне чольдерди.
Сонзэ авазо тетянзо марто эрзят,
Эрзякс чачомс сонензэ мерсь Паз!
Эрзянь Масторонь азор сон – ЭРЗЯ,
Весе смустесь те валсонть ёвтазь.

Морот « Нармушкинеть, ливтядо» (Валтнэ В. Корчегановонь, моравксось Н. Кошелевань)
« Панго мельга» (Эрз. нар. моро)
Тонавтниця:

Вай, Эрзянь вал! Вай, Эрзянь вал! – (Кувакин Саша)
Мон чатьмоневлинь теке кал, -
Те тон монь моронть теик толокс,
Те тон монь ойменть теик морокс!
Кепедьсынь кедень менельс,
Серьгедян моданть келес:
- Монь ули ине мелем
Ды вием – ванстомс келем!
Энялдан, эрзят, стядо,
Эсь келенк илинк кадо
Отьма чирес,
Лиянь пирес.


Вана пачкодсь пес минек вастовоманок. Илинк стувто тиринь келенк! Зярдояк илядо визде кортамс эсенк кельсэ. Содадо: сон сехте питней, сон сехте мазый!















15

Приложенные файлы

  • doc vetitsyas
    Размер файла: 75 kB Загрузок: 0

Добавить комментарий